*اصاغر کا اپنے اکابر سے اختلاف کا جواز

*اصاغر کا اپنے اکابر سے اختلاف کا جواز*

حضرت حکیم الامت تھانوی کا چند سیاسی مسائل میں اپنے استاذ سے اختلاف تھا ، تو ان پر اس اختلاف کی وجہ سے لوگ اعتراض کرنے لگے ، اس کے جواب میں حضرت حکیم الامت تھانوی نے فرمایا : زمانہ تحریک میں عام طور سے مجھ پر اعتراض ہوا کہ حضرت مولانا محمود حسن رحمۃ اللہ علیہ سے اختلاف کیا ۔ میں کہتا ہوں کہ امام ابوحنیفہ رحمۃ اللہ علیہ سے امام ابو یوسف رح اور امام محمد رح نے اختلاف کیا اس کا کیا جواب ہے ، دوسرے میں نے مولانا سے اختلاف کیا خلاف تو نہیں کیا ، خدا نخواستہ میں نے کوئی بے ادبی تو نہیں کی اور نہ مولانا پر بحمد اللہ اس اختلاف سے ذرہ برابر گرانی ہوئی ، اس لئے کہ حضرت اختلاف کی حقیقت سے باخبر تھے ، اوراختلاف تو میں نے بعض بعض مسائل میں حضرت مولانا رشید احمد گنگوہی رحمۃ اللہ علیہ سے کیا ہے جو حضرت مولانا کے بھی شیخ تھے

 (پاکستان کی پاک سیاست بمقابلہ منافقت ، مرتب مولا نا تنویرالحق ، ص ۳۱ ، مکتبه احتشامیہ جیکب لائن کراچی ، ط ۲۰۰۹ ء ۱)