تحریر ۔مولانا محمد زبیر احمد درخواستی حسن ابدال
آج راقم الحروف کو حضرت مولانا حسین احمد طارق صاحب سے ملاقات کا شرف حاصل ہوا۔ آپ حج بیت اللہ کے سفر پر روانہ ہو رہے تھے۔ میں نے ان سے درخواست کی کہ میرے لیے بھی دعا فرمائیں کہ اللہ تعالیٰ مجھے بھی حج و عمرہ کی سعادت عطا فرمائے۔
حضرت نے نہ صرف دعا فرمائی بلکہ ایک ایمان افروز واقعہ بھی سنایا:
انہوں نے فرمایا:
> "مولانا غلام احمد صاحب رحمۃ اللہ علیہ کے زمانے میں المدینہ مسجد میں ایک جلسہ تھا۔ اس میں حضرت مولانا سیف الرحمن درخواستی صاحب مدظلہ العالی (حافظ الحدیث حضرت مولانا عبداللہ درخواستی رحمۃ اللہ علیہ کے نواسے) تشریف لائے اور بیان میں اپنے نانا کا ایک مجرب وظیفہ سنایا:
حضرت عبداللہ درخواستی رحمۃ اللہ علیہ فرمایا کرتے تھے:
> ‘جو شخص روزانہ 💯 مرتبہ درود شریف اور 💯 مرتبہ یہ کلمہ پڑھے:
اللّٰهُ اللّٰهُ رَبِّي لَا أُشْرِكُ بِهِ شَيْئًا
اسے ان شاء اللہ ہر سال حج و عمرہ کی سعادت نصیب ہوگی۔’
حضرت سیف الرحمن درخواستی صاحب نے فرمایا کہ: "میں نے اپنے نانا سے یہ بات انیس (19) سال کی عمر میں سنی، اس وقت سے لے کر اب تک الحمدللہ مسلسل چھتیس (36) سال سے ہر سال حج اور متعدد عمرے کی سعادت حاصل کر رہا ہوں۔"
اس بات سے متاثر ہو کر مولانا حسین احمد طارق صاحب نے بھی یہ وظیفہ شروع کیا۔ آپ فرماتے ہیں:
"اللہ کے فضل سے مجھے بھی حج و عمرے کی سعادت حاصل ہوئی، اور جب تیسری بار عمرہ کے لیے حرم نبوی میں گیا تو حضرت مولانا سیف الرحمن درخواستی صاحب سے ملاقات ہوئی۔ میں نے عرض کیا کہ حضرت، آپ کے بتائے ہوئے وظیفہ کی برکت سے تیسری بار عمرہ کی سعادت ملی ہے۔"
حضرت نے فوراً دو بچوں کو بلایا: زکریا اور یحییٰ، اور ان سے کہا: "بیٹا! بتاؤ تم کون سا وظیفہ کرتے ہو؟"
ان معصوم بچوں نے جواب دیا:
"ہم روزانہ 💯 مرتبہ درود شریف اور 💯 مرتبہ یہ پڑھتے ہیں:
اللّٰهُ اللّٰهُ رَبِّي لَا أُشْرِكُ بِهِ شَيْئًا"
حضرت نے مسکرا کر فرمایا:
> "دیکھو! یہ بچے بھی اسی وظیفے کی برکت سے آج یہاں (مدینہ منورہ) موجود ہیں۔"
🌹 لہٰذا تمام بہن بھائیوں، خواتین، بچوں اور بزرگوں سے درخواست ہے کہ اس مجرب وظیفے کو معمول بنا لیں۔
📿 مجرب وظیفہ برائے حج و عمرہ:
📌 روزانہ 100 مرتبہ درود شریف
📌 روزانہ 100 مرتبہ:
> اللّٰهُ اللّٰهُ رَبِّي لَا أُشْرِكُ بِهِ شَيْئًا
💠 بہتر ہے درود شریف یہ پڑھا جائے:
اللَّهُمَّ صَلِّ عَلَىٰ مُحَمَّدٍ أَفْضَلَ صَلَاتِكَ
🌟 ان شاء اللہ ثم ان شاء اللہ!
اللہ تعالیٰ اپنی رحمت سے بار بار حرمین شریفین کی حاضری، مقبول حج، اور عمرے نصیب فرمائے گا۔
اللہ تعالیٰ ہمیں اور آپ کو اپنے ان نیک بندوں کی نیک صحبت، اخلاص اور اعمال کی توفیق عطا فرمائے۔
آمین یا ارحم الراحمین.
